Ye jo diwane se do char nazar aate heN
in meN kuch sahib-e-asrar nazar aate heN
teri mehfil ka bharam rekhte heN sojate heN
werna ye log tu bedar nazar aate heN
door tak koi sitara hay na koi jugnu
marg-e-ummeed ke aasaar nazar aate heN
mere daman meN shararoN ke siwa kuch bhi nahiN
aap phooloN ke khareedar nazar aate heN
kal jinheN choo nahi sakti thee farishtoN ki nazar
aaj wo ronaq-e-bazaar nazar aate heN
Hashr meN kon gawahi miree daygaa sagar
sab tumhare hee taraf daar nazar aate heN
Subscribe to:
Post Comments (Atom)
No comments:
Post a Comment