wo bulayeN tu kia tamasha ho
hum na jayeN tu kia tamasha ho
ye kinaroN se khelne walay
doob jayeN tu kia tamasha ho
banda perver jo hum pe guzri hay
hum batayeN tu kia tamasha ho
aaj hum bhi teri wafaoN per
muskurayeN tu kia tamasha ho
teri soorat jo ittifaq se hum
bhool jayeN tu kia tamasha ho
waqt kee chand sa'ateN saagar
lauT ayeN tu kia tamasha ho
Tuesday, July 7, 2009
Subscribe to:
Post Comments (Atom)
No comments:
Post a Comment