sau baar chaman mahakaa sau baar bahaar aa_ii
duniyaa kii vahii raunaq dil kii vahii tanhaa_ii
har dard-e-muhabbat se ulajhaa hai Gam-e-hastii
kyaa kyaa hame.n yaad aayaa jab yaad terii aa_ii
dekhe hai.n bahut ham ne hangaame muhabbat ke
aaGaaz bhii rusvaa_ii anjaam bhii rusvaa_ii
ye bazm-e-muhabbat hai is bazm-e-muhabbat me.n
diivaane bhii saudaa_ii farzaane bhii saudaa_ii
Subscribe to:
Post Comments (Atom)
No comments:
Post a Comment