us ne sukoot-e-shab meN bhi apnaa payaam raKH diyaa
hijr ki raat baam par maah-e-tamaam raKH diyaa
aamad-e-dost ki naveed koo-e-vafaa meN 'aam thee
meN ne bhi ik charaagh saa dil sar-e-shaam raKH diyaa
us ne nazar nazar meN hi aise bhalay sukhan kahay
meN ne tO us ke paa^ON meN saaraa kalaam raKh diyaa
shiddat-e-tishnaGee meN bhee ghairat-e-maikashee rahee
us ne jo phair lee nazar , meN ne bhi jaam raKH diyaa
dekho ye mere khwab thay, dekho ye mere zakhm heN
meN ne tu sub hisaab e jaaN ber sar e aaam rakh diyaa
aur FARAZ chaahiye kitnee muhabbateN tujhe
maa^oN ne tere naam par bachchoN kaa naam raKH diyaa
Subscribe to:
Post Comments (Atom)
No comments:
Post a Comment