meN ne dekha hay kaisa ye sapna naya raat ke is pahar
mujh se bichRa huwa koi apna mila raat ke is pahar
neend kyuN uRgayee chain kyuN khogaya raat ke is pahar
ye achanak mere saath kia hogaya raat ke is pahar
yuN laga mujhko jaisay fiza khushbuoN se mahakne lagee
phir kisee kee galee se chalee hay hawa raat ke is pahar
dil meN jagi hay kaisee tamanna nayee khud meN hairan hooN
ik nayee aarzoo ne mujhe choo liya raat ke is pahar
aik manzil basee thee nigahoN meN jane wo kia hogayee
aur mujh ko mila aik rasta naya raat ke is pahar
us kee bikhree huwi laT ne uljhaye rakha mujhe raat bhar
laakh chaha haTadooN na mumkin huwa raat ke is pahar
aur kia kijiay gaa sabeeh us kee ab aap manzar kashi
pal jo aya aur aker chala bhee gaya raat ke is pahar
Saturday, July 4, 2009
Subscribe to:
Post Comments (Atom)
No comments:
Post a Comment