mujhay dil ki kata per yaas sharmana nahi aata
paraya jurm apne naam likhwana nahi aata
buraa ho paa-e-sar_kash kaa ki thak jaanaa nahiiN aataa
kabhii gum_raah ho kar raah par aanaa nahiiN aataa
mujhe ai naaKhudaa aaKhir kisii ko muuNh dikhaanaa hai
bahaanaa kar ke tanhaa paar utar jaanaa nahiiN aataa
musiibat kaa pahaa.D aaKhir kisii din kaT hii jaayegaa
mujhe sar maar kar teshe se mar jaanaa nahiiN aataa
asiiro shauq-e-aazaadii mujhe bhii gud_gudaataa hai
magar chaadar se baahar paaNv phailaanaa nahiiN aataa
dil-e-behausalaa hai ik zaraa sii Tiis kaa meh_maaN
vo aaNsuu kyaa piyegaa jis ko Gam khaanaa nahiiN aataa
Tuesday, July 7, 2009
Subscribe to:
Post Comments (Atom)
No comments:
Post a Comment