حکومت اور ہندسوں میں بہت گہراتعلق ہے
حکومت اورہندسوں میں بہت گہرا ہے یہ رشتہ
حکومت کیسے بنتی ہےِِ
کہیں ووٹوں کی گنتی سے
کہیں نوٹوں کی گنتی سے
اگرپھربھی نہ بن پاءے
تو پھر لوٹوں کی گنتی سے
حکومت کیسے چلتی ہے
وزیروں کی بھی گنتی ہے
مشیروں کی بھی گنتی ہے
اگرکچھ اور ہوں اپنے
سفیروں کی بھی گنتی ہے
بجٹ پھر کیسے بنتا ہے
وہی پھر کھیل ہندسوں کا
دفاع پر کتنے فیصدہوں
توپھرتعلیم پرکتنا
اہم سب سے زیادہ پر
ہماری جیب میں کتنا
کوءی بھی حادثہ گذرے
کوءی گرسانحہ بیتے
حکومت جھوٹ گربولے
حکومت سچ اگرکہہ دے
ہے ساری بات ہندسوں میں
مگراس میڈیاکاکیا
حقیقت سامنے لاءے
کہ سچ دنیاکو دکھلاءے
کہ ہندسوں کی کمی بیشی
کی ساری پول کھل جاءے
ہمارے لوگ کہتے ہیں
حکمراں جھوٹ بکتے ہیں
مگرلوگوں کاکیاکہنا
کہ ان کا کام بس کہنا
کوءی ہندسوں میں بتلادے
یہ ساراکھیل ہندسوں کا
چلے گاکب تلک جانے
یہ پہیہ وقت کا الٹا
چلے گا کب تلک جانے
No comments:
Post a Comment