mujh se biCHaR ke khush rahtay ho
meree tarah tum bhee jhooTay ho
ik deevaar peh chaand Tika tha
meN yeh samjha tum baiThay ho
ujlay ujlay phool khilay thay
bilkul jaise tum haNstay ho
shaam mujhay bata daitee hai
tum kaise kapRay pahnay ho
dil ka haal paRha chahray se
saahil se lehreN Gintay ho
tum tanha duniya se laRo Gay
bachchoN si baateN kartay ho
Subscribe to:
Post Comments (Atom)
No comments:
Post a Comment