merii daastaan-e-hasarat vo sunaa sunaa ke roye
mere aazamaane vaale mujhe aazamaa ke roye
ko_ii aisaa ahal-e-dil ho ke fasaanaa-e-muhabbat
maiN use sunaa ke rouuN vo mujhe sunaa ke roye
merii aarazuu kii duniyaa dil-e-naatavaaN kii hasarat
jise kho ke shaadamaaN the use aaj paa ke roye
terii bevafaa_iyoN par terii kaj_adaa_iyoN par
kabhii sar jhukaa ke roye kabhii muuNh chhupaa ke roye
jo sunaa_ii anjuman meN shab-e-Gham kii aap_biitii
ka_ii ro ke muskuraaye ka_ii muskuraa ke roye
Subscribe to:
Post Comments (Atom)
No comments:
Post a Comment